𑒁𑒣𑒢𑒰 𑒮𑒦𑒏 𑒍𑒯𑒱𑒚𑒰𑒧 𑒋𑒏𑒙𑒰 𑒏𑒯𑒥𑒲 𑒕𑒻𑒏 𑒖𑒹 “𑒁𑒣𑓂𑒣𑒢 𑒥𑒰𑒩𑒲 𑒏𑒹 𑒣𑒙𑒳𑒂 𑒞𑒲𑒞” 𑒁𑒣𑒢𑒰 𑒮𑒦𑒏 𑒧𑒱𑒟𑒱𑒪𑒰 𑒧𑒹𑓀 𑒣𑓀𑒛𑒱𑒞 𑒮𑒦 𑒦𑒩𑒪 𑒩𑒯𑒻𑒞 𑒕𑒪𑒰𑒯।.
𑒮𑒦 𑒑𑒰𑒧 𑒧𑒹𑓀 𑒮𑒦 𑒙𑒼𑒪 𑒣𑒩 𑒋𑒏 𑒋𑒏𑒙𑒰 𑒣𑓀𑒛𑒱𑒞 𑒁𑒫𑒬𑓂𑒨 𑒅𑒣𑒮𑓂𑒟𑒱𑒞 𑒩𑒯𑒻𑒞 𑒕𑒪𑒰𑒯 𑒖𑒹 𑒮𑒞𑓂𑒨𑒢𑒰𑒩𑒰𑒨𑓃𑒝 𑒦𑒑𑒫𑒰𑒢𑒏 𑒣𑒴𑒖𑒰 𑒮𑒿 𑒪ऽ 𑒏ऽ 𑒥𑒱𑒫𑒰𑒯 𑒅𑒣𑒢𑒨𑓃𑒢 𑒃𑒞𑓂𑒨𑒰𑒠𑒱 𑒏𑒩𑒫𑒻𑒞 𑒕𑒪𑒰𑒯 𑒧𑒳𑒠𑒰 𑒣𑒞𑒰 𑒢𑒯𑒱 𑒯𑒧𑒩𑒰 𑒪𑒼𑒏𑒢𑒱 𑒯𑒳𑒢𑒏𑒰 𑒫𑒱𑒠𑓂𑒫𑒰𑒢𑓂 𑒏𑒹 𑒬𑓂𑒩𑒹𑒝𑒲 𑒧𑒹𑓀 𑒢𑒯𑒱𑓀 𑒑𑒰𑒢𑒻𑒞 𑒕𑒪𑒱𑒨𑓃𑒢𑓂𑒯𑒱 𑒂 𑒯𑒳𑒢𑒏𑒰 𑒖𑒹 𑒮𑒧𑓂𑒧𑒰𑒢 𑒦𑒹𑒙𑒫𑒰𑒏 𑒔𑒰𑒯𑒲 𑒍𑒯𑒱 𑒧𑒹 𑒮𑒠𑒻𑒫 𑒍 𑒁𑒮𑓀𑒞𑒳𑒭𑓂𑒙 𑒩𑒯𑒻𑒞 𑒕𑒪𑒰𑒯 𑒂 𑒖𑒰𑒯𑒱 𑒏𑒰𑒩𑒝𑒹 𑒪𑒼𑒏 𑒋𑒯𑒱 𑒫𑒱𑒠𑓂𑒨𑒰 𑒏𑒹 𑒑𑓂𑒩𑒯𑒝 𑒏𑒩𑒫𑒰 𑒮𑒿 𑒏𑒢𑓂𑒢𑒲 𑒏𑒰𑒙𑒨𑓃 𑒪𑒑𑒪𑒰𑒯 𑒂 𑒂𑒥 𑒑𑒰𑒧 𑒧𑒹𑓀 𑒪𑒼𑒏 𑒏𑒹 𑒛𑒱𑒥𑒱𑒨𑓃𑒰 𑒪ऽ 𑒏ऽ 𑒞𑒰𑒏𑒪𑒰𑒏 𑒥𑒰𑒠𑒼 𑒑𑒰𑒧 𑒧𑒹𑓀 𑒣𑓀𑒛𑒱𑒞 𑒪𑒼𑒏𑒢𑒱 𑒢𑒯𑒱𑓀 𑒦𑒹𑒙𑒻𑒞 𑒕𑒻𑒟𑒱।
𑒏𑒼𑒢𑒼 𑒧𑒰𑓀𑒑𑒪𑒱𑒏 𑒏𑒰𑒩𑓂𑒨 𑒨𑒟𑒰 𑒧𑒳𑒝𑓂𑒛𑒢, 𑒅𑒣𑒢𑒨𑓃𑒢 𑒁𑒟𑒫𑒰 𑒫𑒱𑒫𑒰𑒯 𑒏𑒹𑒩 𑒏𑒰𑒩𑓂𑒨𑒏𑓂𑒩𑒧 𑒮𑒧𑒰𑒣𑒢 𑒏𑒹 𑒥𑒰𑒠 𑒠𑒳𑒩𑓂𑒫𑒰𑒏𑓂𑒭𑒞 𑒁𑒩𑓂𑒟𑒰𑒞 𑒠𑒴𑒫𑒱 𑒂 𑒁𑒏𑓂𑒭𑒞 𑒯𑒰𑒟 𑒧𑒹𑓀 𑒪ऽ 𑒏 𑒣𑒰𑒿𑒔 𑒑𑒼𑒙𑒹 𑒖𑒰𑒯𑒱 𑒧𑒹𑓀 𑒏𑒯𑒪 𑒖𑒰𑒃𑒞 𑒁𑒕𑒱 𑒖𑒹 𑒥𑒩𑒴𑒂 𑒁𑒟𑒫𑒰 𑒏𑒢𑓂𑒨𑒰 𑒖𑒏𑒩 𑒫𑒱𑒫𑒰𑒯 𑒦 𑒩𑒯𑒪 𑒕𑒻𑒢𑓂𑒯 𑒯𑒳𑒢𑒏𑒰 𑒮𑒿 𑒍 𑒣𑒰𑒿𑒔𑒼 𑒬𑓂𑒩𑒹𑒭𑓂𑒚 𑒯𑒹𑒫𑒰𑒏 𑒔𑒰𑒯𑒲 𑒍 𑒪𑒼𑒏𑒻𑒢 𑒧𑒰𑒟 𑒣𑒩 𑒣𑒰𑒑 𑒣𑒯𑒱𑒩𑒱 𑒁𑒟𑒫𑒰 𑒧𑒰𑒟 𑒏𑒹 𑒑𑒧𑒕𑒰 𑒁𑒟𑒫𑒰 𑒩𑒳𑒧𑒰𑒪 𑒮𑒿 𑒗𑒰𑓀𑒣𑒱 𑒏 𑒠𑒳𑒩𑓂𑒫𑒰𑒏𑓂𑒭𑒞 𑒧𑓀𑒞𑓂𑒩 𑒣𑒜𑒻𑒞 𑒁𑓀𑒞 𑒧𑒹𑓀 𑒠𑒲𑒩𑓂𑒒𑒰𑒨𑓃𑒳 𑒦𑒫ऽ 𑒂 𑒮𑒾𑒦𑒰𑒑𑓂𑒨𑒫𑒞𑒲 𑒦𑒫ऽ 𑒏𑒯𑒱 𑒫𑒱𑒡𑒱 𑒣𑒴𑒩𑓂𑒝 𑒯𑒼𑒃𑒞 𑒕𑒻𑒏।
𑒧𑓀𑒞𑓂𑒩 𑒏𑒢𑒹𑒏 𑒏𑒚𑒱𑒢 𑒁𑒫𑒬𑓂𑒨 𑒕𑒻𑒏 𑒧𑒳𑒠𑒰 𑒨𑒰𑒠 𑒏𑒨𑓃𑒪 𑒖𑒰 𑒮𑒏𑒻𑒞 𑒁𑒕𑒱 “ॐ आब्रमह्नन् ब्राम्हणो ब्रम्हवर्चसी जायतामाराष्ट्रे राजन्यः शूर इषयौऽतिव्याधि महारथो जायतां दोग्ध्री धेनुवोँढाऽनड्वानाशुः सप्तिः पुरन्ध्रियोँषा विष्णु रथेष्ठा सभेयो युवाऽस्य यजमानस्य विरो जायताम। निकामे निकामे नः पज्जॅन्यो वर्षतु फलवत्यो न औषधयः पच्यन्ताम् योगक्षेमो नः कल्पताम् मन्त्रार्थाः सिद्धयः सन्तु पूर्णा सन्तु मनोरथाः। शत्रुणा बुद्धिनाशोस्तु मित्राणामुदयस्तव।”
𑒋𑒏𑒩 𑒮𑒩𑒪 𑒦𑒰𑒭𑒰 𑒧𑒹𑓀 𑒦𑒰𑒫𑒰𑒩𑓂𑒟 𑒕𑒻𑒏” 𑒯𑒹 𑒦𑒑𑒫𑒰𑒢 𑒁𑒣𑒢𑒰 𑒠𑒹𑒬 𑒧𑒹𑓀 𑒮𑒳𑒨𑓃𑒼𑒑𑓂𑒨 𑒂 𑒮𑒩𑓂𑒫𑒖𑓂𑒘 𑒫𑒱𑒠𑓂𑒨𑒰𑒩𑓂𑒟𑒲 𑒅𑒞𑓂𑒣𑒢𑓂𑒢 𑒯𑒼𑒃𑒟 𑒂 𑒬𑒞𑓂𑒩𑒳 𑒏𑒹 𑒢𑒰𑒬 𑒏𑒹𑒢𑒱𑒯𑒰𑒩 𑒮𑒻𑒢𑒱𑒏 𑒅𑒞𑓂𑒣𑒢𑓂𑒢 𑒯𑒼𑒃𑒟। 𑒁𑒣𑒢 𑒠𑒹𑒬𑒏 𑒑𑒰𑒨𑓃 𑒐𑒴𑒥 𑒠𑒴𑒡 𑒠𑒱𑒨𑓃𑒹𑒋 𑒥𑒩𑒠 𑒦𑒰𑒩 𑒫𑒯𑒢 𑒏𑒩𑒨𑓃 𑒧𑒹𑓀 𑒮𑒏𑓂𑒭𑒧 𑒯𑒼𑒁𑒨𑓃 𑒂 𑒒𑒼𑒛𑒰 𑒞𑒲𑒫𑓂𑒩 𑒑𑒞𑒱 𑒮𑒿 𑒠𑒾𑒛𑒨𑓃 𑒥𑒪𑒰 𑒯𑒼𑒁𑒨𑓃 ।𑒮𑓂𑒞𑓂𑒩𑒲𑒑𑒝 𑒢𑒑𑒩𑒏 𑒢𑒹𑒞𑒵𑒞𑓂𑒫 𑒏𑒩𑒫𑒰 𑒧𑒹𑓀 𑒮𑒏𑓂𑒭𑒧 𑒯𑒼𑒃𑒟 𑒂 𑒨𑒳𑒫𑒏 𑒮𑒦𑒰 𑒧𑒹𑓀 𑒍𑒖𑒣𑒴𑒩𑓂𑒝 𑒦𑒰𑒭𑒝 𑒠𑒹𑒫𑒨𑓃 𑒥𑒪𑒰 𑒂 𑒢𑒹𑒞𑒵𑒞𑓂𑒫 𑒠𑒹𑒫𑒰 𑒧𑒹𑓀 𑒮𑒏𑓂𑒭𑒧 𑒯𑒼𑒃𑒟।.
𑒁𑒣𑒢𑒠𑒹𑒬𑒧𑒹𑓀𑒂𑒫𑒬𑓂𑒨𑒏𑒞𑒰𑒢𑒳𑒮𑒰𑒩 𑒫𑒩𑓂𑒭𑒰 𑒯𑒼𑒁𑒨𑓃 𑒂 𑒎𑒭𑒡𑒱𑒏 𑒖𑒛𑒲 𑒥𑒴𑒙𑒲 𑒮𑒩𑓂𑒫𑒠𑒰 𑒣𑒩𑒱𑒣𑒏𑓂𑒫 𑒯𑒼𑒃𑒞 𑒩𑒯𑒨𑓃। 𑒋𑒯𑒱 𑒣𑓂𑒩𑒏𑒰𑒩𑒹 𑒮𑒦 𑒞𑒩𑒯 𑒮𑒿 𑒯𑒧𑒩𑒰 𑒪𑒼𑒏𑒢𑒱 𑒏𑒹 𑒏𑒪𑓂𑒨𑒰𑒝 𑒯𑒼𑒃𑒞 𑒩𑒯𑒨𑓃। 𑒬𑒞𑓂𑒩𑒳 𑒏𑒹𑒩 𑒥𑒳𑒠𑓂𑒡𑒱𑒏 𑒢𑒰𑒬 𑒯𑒼𑒃 𑒂 𑒧𑒱𑒞𑓂𑒩 𑒏𑒹𑒩 𑒅𑒠𑒨𑓃 𑒯𑒼𑒁𑒨𑓃।”
𑒋𑒯𑒱 𑒠𑒳𑒩𑓂𑒫𑒰𑒏𑓂𑒭𑒞 𑒧𑓀𑒞𑓂𑒩 𑒧𑒹𑓀 𑒁𑒣𑒢𑒹 𑒡𑓂𑒨𑒰𑒢 𑒠𑒹𑒫𑒻𑒏 𑒖𑒹” 𑒁𑒣𑒢𑒰 𑒍𑒯𑒱𑒚𑒰𑒧 𑒏𑒹𑒩 𑒮𑓂𑒞𑓂𑒩𑒲𑒑𑒝 𑒢𑒑𑒩 𑒏𑒹 𑒢𑒹𑒞𑒵𑒞𑓂𑒫 𑒏𑒩𑒫𑒰 𑒧𑒹𑓀 𑒮𑒏𑓂𑒭𑒧 𑒯𑒼𑒃𑒟 ” 𑒄 𑒣𑓀𑒏𑓂𑒞𑒱 𑒁𑒣𑒢𑒰 𑒮𑒦𑒏 𑒍𑒯𑒱𑒚𑒰𑒧 𑒂𑒠𑒱 𑒏𑒰𑒪 𑒧𑒹𑓀 𑒢𑒰𑒩𑒲 𑒏𑒹𑒩 𑒮𑒧𑒰𑒖 𑒧𑒹𑓀 𑒧𑒯𑒞𑓂𑒫𑒣𑒴𑒩𑓂𑒝 𑒦𑒴𑒧𑒱𑒏𑒰 𑒏𑒹 𑒃𑓀𑒑𑒱𑒞 𑒏𑒩𑒻𑒞 𑒁𑒕𑒱।
𑒋𑒯𑒱 𑒮𑒿 𑒮𑓂𑒣𑒭𑓂𑒙 𑒯𑒼𑒃𑒞 𑒁𑒕𑒱 𑒖𑒹 𑒏𑒯𑒪 𑒖𑒰𑒃𑒞 𑒁𑒕𑒱 𑒖𑒹 𑒁𑒣𑒢𑒰 𑒍𑒯𑒱𑒚𑒰𑒧 𑒣𑒳𑒩𑒴𑒭 𑒣𑓂𑒩𑒡𑒰𑒢 𑒮𑒧𑒰𑒖 𑒦𑒹𑒪𑒰𑒏 𑒏𑒰𑒩𑒝𑒹 𑒮𑓂𑒞𑓂𑒩𑒲𑒑𑒝 𑒏𑒹𑒩 𑒮𑓂𑒟𑒱𑒞𑒱 𑒣𑓂𑒩𑒰𑒩𑒧𑓂𑒦 𑒏𑒰𑒪 𑒧𑒹𑓀 𑒚𑒲𑒏 𑒢𑒯𑒱𑓀 𑒩𑒯𑒻𑒢 𑒋𑒏𑒩𑒰 𑒑𑒪𑒞 𑒮𑒰𑒥𑒱𑒞 𑒏𑒩𑒻𑒞 𑒁𑒕𑒱। 𑒋𑒯𑒱 𑒣𑓂𑒩𑒏𑒰𑒩𑒹 𑒁𑒣𑒢 𑒮𑒧𑒰𑒖 𑒧𑒹𑓀 𑒮𑓂𑒞𑓂𑒩𑒲𑒑𑒝 𑒏𑒹 𑒮𑓂𑒟𑒰𑒢, 𑒮𑒧𑓂𑒧𑒰𑒢 𑒂 𑒧𑒯𑒞𑓂𑒫 𑒂𑒠𑒱𑒏𑒰𑒪 𑒮𑒿 𑒩𑒯𑒪 𑒁𑒕𑒱। 𑒖𑒨𑓃 𑒧𑒱𑒟𑒱𑒪𑒰 ।𑒖𑒨𑓃 𑒧𑒻𑒟𑒱𑒪𑒲।
