𑒧𑒱𑒟𑒱𑒪𑒰𑒏𑓂𑒭𑒩 𑒪𑒱𑒣𑒱𑒏 𑒫𑒱𑒬𑒹𑒭𑒞𑒰

𑒬𑒬𑒱 𑒦𑒴𑒭𑒝 𑒗𑒰 ‘𑒢𑒰𑒑𑒠𑒯’ 𑒏𑒹 𑒂𑒪𑒹𑒐

𑒦𑒰𑒭𑒰 𑒁𑒣𑒢 𑒧𑒴𑒪 𑒩𑒴𑒣𑒧𑒹 𑒡𑓂𑒫𑒢𑒱𑒣𑒩 𑒂𑒡𑒰𑒩𑒱𑒞 𑒁𑒕𑒱। 𑒡𑓂𑒫𑒢𑒱𑒋𑒿 𑒅𑒔𑓂𑒔𑒩𑒱𑒞 𑒯𑒼𑒃𑒞 𑒕𑒻𑒏 𑒂ऽ 𑒮𑒳𑒢𑒪 𑒖𑒰𑒃𑒞 𑒕𑒻। 𑒋𑒯𑒱 𑒣𑓂𑒩𑒏𑒰𑒩𑒹𑒿 𑒦𑒰𑒭𑒰𑒏 𑒏𑒰𑒪 𑒂ऽ 𑒮𑓂𑒟𑒰𑒢𑒏 𑒠𑒵𑒭𑓂𑒙𑒱𑒋𑒿 𑒮𑒲𑒧𑒰 𑒯𑒼𑒃𑒞 𑒕𑒻।𑒏𑒰𑒪 𑒂ऽ 𑒮𑓂𑒟𑒰𑒢𑒏 𑒋𑒯𑒱 𑒮𑒲𑒧𑒰𑒏 𑒥𑒢𑓂𑒡𑒢𑒮𑒿 𑒧𑒳𑒏𑓂𑒞 𑒏𑒩𑒥𑒰𑒏 𑒯𑒹𑒞𑒳 𑒪𑒱𑒣𑒱𑒏 𑒖𑒢𑓂𑒧 𑒦𑒹𑒪।𑒢𑒱𑒬𑓂𑒔𑒱𑒞 𑒩𑒴𑒣𑒹𑒿 𑒦𑒰𑒭𑒰𑒏 𑒫𑒱𑒏𑒰𑒮𑒼𑒣𑒩𑒰𑒢𑓂𑒞 𑒪𑒱𑒣𑒱𑒏 𑒫𑒱𑒏𑒰𑒮 𑒦𑒹𑒪 𑒯𑒼𑒋𑒞।𑒪𑒱𑒣𑒱 𑒂ऽ 𑒦𑒰𑒭𑒰𑒏 𑒮𑒧𑓂𑒥𑒢𑓂𑒡 𑒄 𑒁𑒕𑒱 𑒖𑒹 𑒦𑒰𑒭𑒰 𑒁𑒣𑒢 𑒧𑒴𑒪𑒩𑒴𑒣𑒧𑒹 𑒡𑓂𑒫𑒢𑒱𑒣𑒩 𑒂𑒡𑒰𑒩𑒱𑒞 𑒁𑒕𑒱 𑒂ऽ 𑒪𑒱𑒣𑒱𑒧𑒹 𑒍𑒯𑒱 𑒡𑓂𑒫𑒢𑒱 𑒫𑒰 𑒏𑒱𑒕𑒳 𑒦𑒰𑒭𑒰𑒧𑒹 𑒬𑒥𑓂𑒠𑒏𑒹𑒿 𑒩𑒹𑒐𑒰 𑒠𑓂𑒫𑒰𑒩𑒰 𑒫𑓂𑒨𑒏𑓂𑒞 𑒏𑒋𑒪 𑒖𑒰𑒃𑒞 𑒕𑒻𑒏।𑒁𑒩𑓂𑒟𑒰𑒞𑓂 𑒠𑒳𑒢𑒴𑒧𑒹 𑒧𑒰𑒡𑓂𑒨𑒧𑒏 𑒁𑒢𑓂𑒞𑒩 𑒁𑒕𑒱।
𑒣𑓂𑒩𑒞𑓂𑒨𑒹𑒏 𑒦𑒰𑒭𑒰𑒏 𑒁𑒣𑒢 𑒁𑒪𑒑 𑒫𑓂𑒨𑒰𑒏𑒩𑒝 𑒂ऽ 𑒪𑒱𑒣𑒱 𑒯𑒼𑒃𑒞 𑒕𑒻𑒏। 𑒮𑓂𑒫𑒞𑓀𑒞𑓂𑒩 𑒦𑒰𑒭𑒰𑒏 𑒣𑒩𑒧𑓂𑒣𑒩𑒰𑒧𑒹 𑒧𑒢𑒳𑒏𑓂𑒐𑒏 𑒣𑓂𑒩𑒰𑒔𑒲𑒢 𑒏𑒰𑒪𑒮𑒿 𑒔𑒱𑒞𑓂𑒩𑒏𑒹𑒿 𑒧𑒰𑒿𑒙𑒱 𑒁𑒟𑒫𑒰 𑒣𑒰𑒟𑒩𑒏 𑒦𑒲𑒞𑒣𑒩 𑒐𑒼𑒡𑒱 𑒁𑒣𑒢 𑒣𑓂𑒩𑒔𑒰𑒩 𑒏𑒩𑒻𑒞 𑒂𑒋𑒪 𑒁𑒕𑒱।
𑒮𑒳𑒣𑓂𑒩𑒮𑒱𑒠𑓂𑒡 𑒪𑒱𑒣𑒱 𑒫𑒱𑒬𑒹𑒭𑒖𑓂𑒘 𑒂ऽ 𑒯𑒮𑓂𑒞𑒰𑒏𑓂𑒭𑒩 𑒬𑒰𑒮𑓂𑒞𑓂𑒩𑒏 𑒖𑓂𑒘𑒰𑒞𑒰 , 𑒖𑒱𑒢𑒏 𑒢𑒰𑒧𑒧𑒹 𑒪𑒱𑒣𑒱𑒮𑒦𑒏 𑒬𑒰𑒮𑓂𑒞𑓂𑒩𑒏 𑒫𑒱𑒫𑒹𑒔𑒢𑒰𑒧𑒹 ऽ𑒯𑒹𑒢𑒩𑒲 𑒣𑓂𑒩𑒝𑒰𑒪𑒲ऽ 𑒣𑓂𑒩𑒔𑒪𑒱𑒞 𑒦𑒹𑒪 𑒁𑒕𑒱, 𑒯𑒳𑒢𑒏 𑒏𑒟𑒢 𑒕𑒢𑒱 – “𑒦𑒰𑒭𑒰𑒏 𑒩𑒏𑓂𑒭𑒰 , 𑒣𑓂𑒩𑒔𑒰𑒩 𑒍 𑒮𑒩𑓀𑒏𑓂𑒭𑒝 𑒪𑒱𑒣𑒱𑒏 𑒮𑓀𑒩𑒏𑓂𑒭𑒝𑒮𑒿 𑒮𑒧𑓂𑒦𑒫 𑒯𑒼𑒃𑒞 𑒕𑒻।” 𑒫𑒮𑓂𑒞𑒳𑒞𑓁 𑒪𑒱𑒣𑒱𑒏 𑒮𑓂𑒟𑒰𑒢 𑒏𑒼𑒢𑒼 𑒣𑓂𑒩𑒔𑒰𑒩 𑒍 𑒮𑒩𑓀𑒏𑓂𑒭𑒝 𑒪𑒱𑒣𑒱𑒏 𑒮𑓀𑒩𑒏𑓂𑒭𑒝𑒮𑒿 𑒮𑒧𑓂𑒦𑒫 𑒯𑒼𑒃𑒞 𑒕𑒻।” 𑒫𑒮𑓂𑒞𑒳𑒞𑓁 𑒪𑒱𑒣𑒱𑒏 𑒮𑓂𑒟𑒰𑒢 𑒏𑒼𑒢𑒼 𑒦𑒰𑒭𑒰𑒏 𑒫𑒱𑒏𑒰𑒮𑒧𑒹 𑒁𑒞𑓂𑒨𑒢𑓂𑒞 𑒧𑒯𑒞𑓂𑒫𑒣𑒴𑒩𑓂𑒝 𑒁𑒕𑒱।
𑒧𑒱𑒟𑒱𑒪𑒰𑒏𑓂𑒭𑒩ऽ𑒏 𑒅𑒞𑓂𑒣𑒞𑓂𑒞𑒲 𑒂ऽ 𑒫𑒱𑒏𑒰𑒮𑒏 𑒣𑓂𑒩𑒮𑓀𑒑 :-
𑒧𑒱𑒟𑒱𑒪𑒰𑒏𑓂𑒭𑒩𑒏𑒹𑒿 ऽ𑒞𑒱𑒩𑒯𑒳𑒞𑒰ऽ 𑒍𑒯𑒱 𑒮𑒧𑒨𑓃 𑒮𑒿 𑒏𑒯𑒪 𑒖𑒰𑒋 𑒪𑒰𑒑𑒪 𑒖𑒯𑒱𑒂 𑒁𑒯𑒱 𑒦𑒴 𑒦𑒰𑒑𑒏 𑒢𑒰𑒧 ऽ𑒞𑒱𑒩𑒯𑒳𑒞ऽ 𑒣𑒛𑓃𑒪,
ऽ𑒬𑒞𑒣𑒟 𑒥𑓂𑒩𑒰𑒯𑓂𑒧𑒝ऽ 𑒮𑒿 𑒖𑓂𑒘𑒰𑒞 𑒯𑒼𑒃𑒞 𑒁𑒕𑒱 𑒏𑒱 𑒖𑒹 𑒂𑒩𑓂𑒨𑒪𑒼𑒏𑒢𑒱𑒏 𑒋𑒏𑒙𑒰 𑒮𑒧𑒴𑒯 𑒧𑒰𑒡𑒫 𑒫𑒱𑒠𑒹𑒯 𑒂ऽ 𑒯𑒳𑒢𑒏 𑒣𑒳𑒩𑒼𑒯𑒱𑒞 𑒩𑒯𑒳𑒑𑒝𑒏𑒧𑒹 𑒮𑒩𑒮𑓂𑒫𑒞𑒲 𑒢𑒠𑒲 𑒮𑒿 𑒮𑒙𑒪𑒹 𑒫𑒱𑒠𑒹𑒯 𑒩𑒰𑒖𑒫𑓀𑒬𑒏 𑒮𑓂𑒟𑒰𑒣𑒢𑒰
𑒏𑒋𑒪𑒢𑓂𑒯𑒱।
𑒃𑒯𑒼 𑒮𑒧𑓂𑒦𑒫 𑒁𑒕𑒱 𑒖𑒹 𑒁𑒣𑒢𑒰 𑒮𑒓𑓂𑒑 𑒮𑒱𑒢𑓂𑒡𑒳𑒒𑒰𑒙𑒲𑒏 𑒮𑒦𑓂𑒨𑒞𑒰, 𑒮𑓀𑒮𑓂𑒏𑒵𑒞𑒱, 𑒦𑒰𑒭𑒰 𑒂 𑒪𑒱𑒣𑒱𑒏𑒹𑒿 𑒮𑒹𑒯𑒼 𑒁𑒢𑒢𑒹 𑒯𑒼𑒃𑒟।
ऽ𑒫𑒵𑒯𑒠𑒰𑒩𑒝𑓂𑒨 𑒅𑒣𑒢𑒱𑒭𑒠ऽ𑒏 𑒞𑒹𑒮𑒩 – 𑒔𑒰𑒩𑒱𑒧
𑒁𑒡𑓂𑒨𑒰𑒨𑓃𑒧𑒹 𑒅𑒪𑓂𑒪𑒹𑒐𑒱𑒞 𑒖𑒢𑒏 – 𑒨𑒰𑒖𑓂𑒘𑒫𑒪𑓂𑒏𑓂𑒨 – 𑒮𑓀𑒫𑒰𑒠 𑒋𑒫𑒧𑓂 𑒠𑒼𑒮𑒩 𑒁𑒡𑓂𑒨𑒰𑒨𑓃𑒧𑒹 𑒅𑒪𑓂𑒪𑒹𑒐𑒱𑒞 𑒨𑒰𑒖𑓂𑒘𑒫𑒪𑓂𑒏𑓂𑒨 – 𑒧𑒻𑒞𑓂𑒩𑒹𑒨𑓃𑒲 𑒮𑓀𑒫𑒰𑒠𑒧𑒹 𑒖𑒰𑒯𑒱 𑒩𑒴𑒣𑒏 𑒮𑒰𑒩𑒑𑒩𑓂𑒦𑒱𑒞 𑒞𑒩𑓂𑒏 – 𑒣𑓂𑒩𑒝𑒰𑒪𑒲 𑒦𑒹𑒙𑒻𑒞 𑒁𑒕𑒱,
𑒞𑒰𑒯𑒱𑒮𑒿 𑒮𑓂𑒫𑒦𑒰𑒫𑒞𑓁 𑒄 𑒁𑒢𑒳𑒧𑒰𑒢 𑒪𑒑𑒰𑒍𑒪 𑒖𑒰 𑒮𑒏𑒻𑒞 𑒁𑒕𑒱 𑒖𑒹 𑒏𑒱 𑒬𑒞𑒣𑒟 𑒏𑒰𑒪𑒲𑒢 𑒫𑒱𑒠𑒹𑒯 𑒮𑒩𑓂𑒫𑒰𑓀𑒑 𑒫𑒱𑒏𑒮𑒱𑒞 𑒩𑒰𑒭𑓂𑒙𑓂𑒩 𑒕𑒪 𑒖𑒏𑒩 𑒮𑓂𑒫𑒞𑓀𑒞𑓂𑒩 𑒁𑒣𑒢 ऽ𑒫𑒻𑒠𑒹𑒯𑒲 𑒦𑒰𑒭𑒰ऽ 𑒂ऽ 𑒮𑓂𑒫𑒞𑓀𑒞𑓂𑒩 ऽ𑒫𑒻𑒠𑒹𑒯𑒲 𑒪𑒱𑒣𑒱ऽ 𑒮𑒹𑒯𑒼 𑒩𑒯𑒪 𑒯𑒼𑒋𑒞𑒻𑒏। 𑒋𑒯𑒱 𑒞𑒟𑓂𑒨𑒏 𑒮𑒧𑓂𑒣𑒳𑒭𑓂𑒙𑒱 𑒥𑒾𑒠𑓂𑒡 𑒡𑒩𑓂𑒧𑒏 𑒣𑓂𑒩𑒮𑒱𑒠𑓂𑒡 𑒑𑓂𑒩𑓀𑒟 ऽ𑒪𑒪𑒱𑒞𑒫𑒱𑒮𑓂𑒞𑒩ऽ 𑒮𑒿 𑒮𑒹𑒯𑒼 𑒯𑒼𑒃𑒞 𑒁𑒕𑒱। 𑒋𑒯𑒱 𑒑𑓂𑒩𑓀𑒟𑒏 𑒔𑒲𑒢𑒲 𑒁𑒢𑒳𑒫𑒰𑒠 𑓓𑓐𑓘 𑒄.𑒧𑒹 𑒦𑒹𑒪 𑒕𑒪। 𑒋𑒯𑒱 𑒑𑓂𑒩𑓀𑒟𑒧𑒹 𑓖𑓖 𑒑𑒼𑒙 𑒪𑒱𑒣𑒱𑒏 𑒮𑒴𑒔𑒲 𑒠𑒹𑒪 𑒑𑒹𑒪 𑒁𑒕𑒱 ; 𑒖𑒏𑒩𑒰 𑒁𑒢𑓂𑒞𑒩𑓂𑒑𑒞 𑒣𑒴𑒩𑓂𑒫 𑒫𑒱𑒠𑒹𑒬 𑒪𑒱𑒣𑒱𑒏 𑒔𑒩𑓂𑒔𑒰 𑒮𑒹𑒯𑒼 𑒦𑒹𑒙𑒻𑒞 𑒁𑒕𑒱।𑒮𑒩𑓂𑒫𑒰𑓀𑒑𑒲𑒝 𑒣𑒴𑒩𑓂𑒫𑒲𑒨𑓃 𑒏𑓂𑒭𑒹𑒞𑓂𑒩𑒏 𑒧𑒻𑒟𑒱𑒪𑒲, 𑒥𑓀𑒑𑒪𑒰, 𑒁𑒮𑒧𑒱𑒂, 𑒂ऽ 𑒅𑒛𑓃𑒱𑒨𑓃𑒰 𑒪𑒱𑒣𑒱𑒏 𑒫𑒱𑒏𑒰𑒮 𑒋𑒯𑒱 𑒫𑒱𑒠𑒹𑒯 𑒪𑒱𑒣𑒱𑒮𑒿 𑒦𑒹𑒪 𑒁𑒕𑒱।
𑒧𑒱𑒟𑒱𑒪𑒰𑒧𑒹 𑒪𑒱𑒣𑒱𑒏 𑒣𑓂𑒩𑒰𑒔𑒲𑒢𑒞𑒰𑒏 𑒋𑒏𑒙𑒰 𑒣𑓂𑒩𑒧𑒰𑒝 𑒂𑒍𑒩 𑒅𑒣𑒪𑒥𑓂𑒡 𑒁𑒕𑒱।
𑒧𑒱𑒟𑒱𑒪𑒰𑒧𑒹 𑒪𑒱𑒣𑒱𑒏 𑒣𑓂𑒩𑒰𑒔𑒲𑒢𑒞𑒰𑒏 𑒋𑒏𑒙𑒰 𑒣𑓂𑒩𑒧𑒰𑒝 𑒂𑒍𑒩 𑒅𑒣𑒪𑒥𑓂𑒡 𑒁𑒕𑒱।
𑒫𑒱𑒠𑒹𑒯 𑒩𑒰𑒖𑓂𑒨𑒏 𑒮𑓂𑒟𑒰𑒣𑒢𑒰𑒏 𑒣𑒯𑒱𑒪𑒹 𑒧𑒱𑒟𑒱𑒪𑒰𑒧𑒹 ऽ𑒫𑓂𑒩𑒰𑒞𑓂𑒨ऽ 𑒢𑒰𑒧𑒏 𑒂𑒠𑒱𑒫𑒰𑒮𑒲𑒮𑒦 𑒢𑒱𑒫𑒰𑒮 𑒏𑒩𑒻𑒞 𑒕𑒪 𑒖𑒏𑒩𑒰 𑒣𑓂𑒩𑒮𑓀𑒑 ऽ𑒮𑓀𑒯𑒱𑒞𑒰ऽ 𑒂ऽ 𑒥𑓂𑒩𑒰𑒯𑓂𑒧𑒝 𑒑𑓂𑒩𑓀𑒟𑒮𑒦𑒧𑒹 𑒢𑒲𑒔𑒫𑒰𑒔𑒏 𑒬𑒥𑓂𑒠𑒏 𑒣𑓂𑒩𑒨𑓃𑒼𑒑 𑒦𑒹𑒙𑒻𑒞 𑒁𑒕𑒱। 𑒧𑒳𑒠𑒰, ऽ𑒫𑓂𑒩𑒰𑒞𑓂𑒨ऽ 𑒮𑒧𑒳𑒠𑒰𑒨𑓃𑒏 𑒮𑒧𑓂𑒣𑒴𑒩𑓂𑒝 𑒅𑒞𑓂𑒞𑒩𑒲 𑒦𑒰𑒩𑒞𑒧𑒹 𑒣𑓂𑒩𑒦𑒰𑒫 𑒕𑒪, 𑒖𑒏𑒩 𑒁𑒣𑒢 𑒮𑓀𑒮𑓂𑒏𑒵𑒞𑒱,𑒮𑒰𑒯𑒱𑒞𑓂𑒨,𑒦𑒰𑒭𑒰, 𑒂ऽ 𑒪𑒱𑒣𑒱 𑒪𑒾𑒏𑒱𑒏 𑒕𑒪। 𑒧𑒯𑒰𑒦𑒰𑒩𑒞𑒧𑒹 𑒪𑒱𑒔𑓂𑒕𑒫𑒱𑒏𑒹𑒿 ऽ𑒫𑓂𑒩𑒰𑒞𑓂𑒨 𑒏𑓂𑒭𑒞𑓂𑒩𑒱𑒨𑓃ऽ 𑒏𑒯𑒪 𑒑𑒹𑒪 𑒁𑒕𑒱 𑒂ऽ 𑒦𑒑𑒫𑒰𑒢 𑒥𑒳𑒠𑓂𑒡 ऽ𑒥𑒖𑓂𑒖𑒲ऽ𑒏 𑒮𑓀𑒖𑓂𑒘𑒰 𑒠𑒹𑒢𑒹 𑒕𑒟𑒱, 𑒖𑒏𑒩 𑒁𑒩𑓂𑒟 ऽ𑒒𑒳𑒧𑒏𑓂𑒏𑒛𑓃ऽ 𑒯𑒼𑒃𑒞 𑒕𑒻।
𑒫𑓂𑒩𑒰𑒞𑓂𑒨𑒏 𑒦𑒰𑒭𑒰𑒏𑒹𑒿 ऽ𑒥𑒰𑒙𑒳𑒪𑒰ऽ 𑒁𑒟𑒫𑒰 𑒫𑒩𑓂𑒞𑒢𑒲 𑒏𑒯𑒪 𑒖𑒰𑒃𑒞 𑒕𑒪। 𑒧𑒱𑒟𑒱𑒪𑒰𑒧𑒹 𑒫𑒩𑓂𑒝𑒧𑒰𑒪𑒰𑒏𑒹𑒿 ऽ𑒫𑒩𑓂𑒞𑒢𑒲𑒋ऽ 𑒏𑒯𑒪 𑒖𑒰𑒃𑒞 𑒕𑒻 𑒖𑒹 𑒮𑒧𑓂𑒦𑒫𑒞𑓁 𑒧𑒱𑒟𑒱𑒪𑒰𑒏𑓂𑒭𑒩𑒏 𑒫𑓂𑒩𑒰𑒞𑓂𑒨𑒪𑒼𑒏𑒢𑒱𑒏 𑒞𑒰𑒞𑓂𑒏𑒰𑒪𑒱𑒏 𑒪𑒱𑒣𑒱𑒏 𑒮𑒓𑓂𑒑 𑒒𑒢𑒱𑒭𑓂𑒚 𑒮𑒧𑓂𑒥𑒢𑓂𑒡𑒏 𑒣𑓂𑒩𑒞𑒲𑒏 𑒟𑒱𑒏। 𑒁𑒯𑒱 𑒣𑓂𑒩𑒏𑒰𑒩𑒹𑒿 𑒧𑒱𑒟𑒱𑒪𑒰𑒏𑓂𑒭𑒩𑒏 𑒧𑒴𑒪 𑒮𑓂𑒩𑒼𑒞 ऽ𑒪𑒪𑒱𑒞 – 𑒫𑒱𑒮𑓂𑒞𑒰𑒩ऽ𑒏 𑒫𑒱𑒠𑒹𑒯 𑒪𑒱𑒣𑒱𑒮𑒿 𑒥𑒯𑒳𑒞𑒼 𑒣𑒳𑒩𑒰𑒢 𑒮𑒱𑒠𑓂𑒡 𑒦ऽ 𑒖𑒰𑒃𑒞 𑒕𑒻।
𑒧𑒱𑒟𑒱𑒪𑒰𑒏𑓂𑒭𑒩 𑒮𑒩𑓂𑒫𑒰𑒡𑒱𑒏 𑒫𑒻𑒖𑓂𑒘𑒰𑒢𑒱𑒏 𑒪𑒱𑒣𑒱 𑒧𑒰𑒢𑒪 𑒖𑒰𑒃𑒞 𑒁𑒕𑒱।𑒋𑒯𑒱𑒧𑒹 𑒮𑓀𑒮𑒰𑒩𑒏 𑒮𑒦 𑒦𑒰𑒭𑒰𑒏 𑒡𑓂𑒫𑒢𑒱𑒏𑒹𑒿 𑒅𑒔𑓂𑒔𑒰𑒩𑒝 𑒏𑒩𑒥𑒰𑒏 𑒮𑒰𑒧𑒩𑓂𑒟𑓂𑒨 𑒕𑒻𑒏।𑒁𑒯𑒱 𑒪𑒱𑒣𑒱𑒏 𑒫𑒱𑒬𑒹𑒭𑒞𑒰 𑒄 𑒁𑒕𑒱 𑒖𑒹 𑒁𑒯𑒱𑒧𑒹 𑒖𑒹 𑒏𑒱𑒕𑒳 𑒪𑒱𑒐𑒪 𑒖𑒰𑒃𑒞 𑒕𑒻 𑒫𑒋𑒯 𑒅𑒔𑓂𑒔𑒰𑒩𑒝 𑒮𑒹𑒯𑒼 𑒯𑒼𑒃𑒞 𑒕𑒻, 𑒖𑒹𑒢𑒰 𑒏𑒱 𑒧𑒰𑒋,𑒑𑒰𑒋,𑒦𑒰𑒋 𑒂𑒠𑒱, 𑒧𑒳𑒠𑒰 𑒮𑓀𑒮𑒰𑒩𑒏 𑒂𑒢- 𑒂𑒢 𑒦𑒰𑒭𑒰 𑒮𑒓𑓂𑒑 𑒄 𑒥𑒰𑒞 𑒢𑒘𑒱 𑒁𑒕𑒱। 𑒖𑒹𑒢𑒰 – 𑒁𑓀𑒑𑓂𑒩𑒹𑒖𑒲𑒏 Talk,Walk, Doctor, School 𑒂𑒠𑒱 𑒬𑒥𑓂𑒠𑒧𑒹 𑒯𑒧𑒩𑒰𑒪𑒼𑒏𑒢𑒱 𑒠𑒹𑒐𑒻𑒞 𑒕𑒲 𑒖𑒹 𑒁𑒏𑓂𑒭𑒩 𑒏𑒼𑒢𑒼 𑒂ऽ 𑒅𑒔𑓂𑒔𑒰𑒩𑒝 𑒏𑒱𑒕𑒳 𑒂𑒍𑒩 𑒯𑒼𑒃𑒞 𑒕𑒻। 𑒣𑒩𑒘𑓂𑒔 𑒧𑒻𑒟𑒱𑒪𑒲 𑒮𑒓𑓂𑒑 𑒋𑒢𑒰 𑒢𑒯𑒱 𑒯𑒼𑒃𑒞 𑒕𑒻𑒏।…..
𑒧𑒱𑒟𑒱𑒪𑒰𑒏𑓂𑒭𑒩𑒏 𑒮𑒧𑓂𑒥𑒢𑓂𑒡𑒧𑒹 𑒅𑒣𑒩𑓂𑒨𑒳𑒏𑓂𑒞 𑒫𑒱𑒭𑒨𑓃 – 𑒫𑒮𑓂𑒞𑒳𑒏 𑒁𑒡𑓂𑒨𑒨𑓃𑒢 𑒏𑒋𑒪𑒰𑒣𑒩 𑒄 𑒮𑓂𑒣𑒭𑓂𑒙 𑒦ऽ 𑒖𑒰𑒃𑒞 𑒕𑒻 𑒖𑒹 𑒋𑒯𑒱 𑒫𑒱𑒭𑒨𑓃𑒏 𑒏𑒞𑒹𑒏𑒼 𑒧𑒳𑒐𑓂𑒨 𑒥𑒱𑒢𑓂𑒠𑒳 𑒣𑓂𑒩𑒏𑒰𑒬𑒧𑒹 𑒂𑒨𑓃𑒪 𑒁𑒕𑒱, 𑒧𑒳𑒠𑒰 𑒋𑒏𑒩 𑒅𑒞𑓂𑒣𑒞𑓂𑒞𑒱 𑒍 𑒫𑒱𑒏𑒐𑒮𑒏 𑒮𑒧𑓂𑒨𑒏𑓂 𑒖𑒰𑒢𑒏𑒰𑒩𑒲 𑒯𑒹𑒞𑒳 𑒣𑒳𑒩𑒰𑒞𑒞𑓂𑒞𑓂𑒫𑒫𑒹𑒞𑓂𑒞𑒰 , 𑒃𑒞𑒱𑒯𑒰𑒮𑒏𑒰𑒩, 𑒪𑒱𑒣𑒱 𑒧𑒩𑓂𑒧𑒖𑓂𑒘 𑒂𑒠𑒱𑒏 𑒁𑒟𑒏 𑒣𑒩𑒱𑒬𑓂𑒩𑒧 , 𑒋𑒏𑒩 𑒁𑒢𑓂𑒫𑒹𑒭𑒝𑒏 𑒪𑒹𑒪 𑒁𑒣𑒹𑒏𑓂𑒭𑒱𑒞 𑒁𑒕𑒱।
𑒂𑒃 𑒧𑒱𑒟𑒱𑒪𑒰𑒏𑓂𑒭𑒩 𑒪𑒳𑒣𑓂𑒞𑒣𑓂𑒩𑒰𑒨𑓃 𑒦𑒹𑒪 𑒖𑒰 𑒩𑒯𑒪 𑒁𑒕𑒱 𑒖𑒏𑒩 𑒧𑒴𑒪 𑒏𑒰𑒩𑒝 𑒋𑒯𑒱 𑒠𑒱𑒮 𑒣𑓂𑒩𑒫𑒵𑒞𑓂𑒞𑒱𑒏 𑒅𑒠𑒰𑒮𑒲𑒢𑒞𑒰 𑒁𑒕𑒱। 𑒫𑒩𑓂𑒞𑒧𑒰𑒢𑒧𑒹 𑒣𑒰𑒚𑓂𑒨𑒏𑓂𑒩𑒧𑒧𑒹 𑒖𑒿 𑒧𑒱𑒟𑒱𑒪𑒰𑒏𑓂𑒭𑒩 𑒩𑒯𑒱𑒞𑒼 𑒕𑒻𑒏 𑒞𑒿 𑒧𑒰𑒞𑓂𑒩 𑒠𑒮 𑒁𑓀𑒏𑒏, 𑒖𑒏𑒩𑒰 𑒕𑒰𑒞𑓂𑒩𑒑𑒝 𑒨𑒰 𑒞𑒿 𑒕𑒼𑒛𑓃𑒱 𑒠𑒻𑒞 𑒕𑒟𑒱 𑒁𑒟𑒫𑒰 𑒑𑒪𑒞 𑒜𑓃𑓀𑒑𑒮𑒿 𑒪𑒱𑒐𑒱 𑒣𑓂𑒩𑒬𑓂𑒢𑒼𑒞𑓂𑒞𑒩𑒏 𑒮𑓀𑒐𑓂𑒨𑒰 𑒣𑒴𑒩𑒰 𑒏𑒩𑒻𑒞 𑒕𑒟𑒱।𑒣𑓂𑒩𑒨𑓃𑒼𑒖𑒢 𑒁𑒯𑒱 𑒫𑒱𑒭𑒨𑓃𑒏 𑒁𑒕𑒱 𑒖𑒹 𑒧𑒱𑒟𑒱𑒪𑒰 𑒏𑓂𑒭𑒹𑒞𑓂𑒩𑒧𑒹 𑒏𑒧𑒮𑒿 𑒏𑒧 𑒧𑒻𑒟𑒱𑒪𑒲 𑒪𑒱𑒐𑒢𑒰𑒯𑒩 (𑒫𑒱𑒠𑓂𑒫𑒞𑓂 𑒮𑒧𑒰𑒖𑒧𑒹) 𑒠𑒹𑒫𑒢𑒰𑒑𑒩𑒲 𑒪𑒱𑒣𑒱𑒏 𑒣𑓂𑒩𑒨𑓃𑒼𑒑 𑒢𑒘𑒱 𑒏ऽ 𑒧𑒱𑒟𑒱𑒪𑒰𑒏𑓂𑒭𑒩𑒏 𑒣𑓂𑒩𑒨𑓃𑒼𑒑 𑒁𑒢𑒱𑒫𑒰𑒩𑓂𑒨 𑒏ऽ 𑒠𑒹𑒪 𑒖𑒰𑒋 𑒂ऽ 𑒞𑒐𑒢𑒯𑒱 𑒋𑒯𑒱 𑒪𑒱𑒣𑒱𑒏 𑒁𑒣𑒢 𑒧𑒩𑓂𑒨𑒰𑒠𑒰 𑒥𑒰𑒿𑒔𑒱 𑒮𑒏𑒞 𑒞𑒟𑒰 𑒋𑒏𑒩 𑒮𑒧𑓂𑒨𑒏𑓂 𑒫𑒱𑒏𑒰𑒮 𑒮𑒧𑓂𑒦𑒫 𑒦ऽ 𑒮𑒏𑒞। 𑒋𑒏𑒩 𑒬𑓂𑒩𑒹𑒭𑓂𑒚 𑒅𑒠𑒰𑒯𑒩𑒝 𑒬𑓂𑒩𑒲 𑒪𑒪𑒱𑒞 𑒚𑒰𑒏𑒳𑒩 𑒥𑒹𑒢𑒱𑒣𑒙𑓂𑒙𑒲 𑒕𑒟𑒱 𑒏𑒱 𑒍 𑒁𑒣𑒢𑒰 𑒏𑒰𑒩𑓂𑒨𑒰𑒪𑒨𑓃𑒧𑒹 𑒁𑒡𑒱𑒏𑒰𑓀𑒬𑒞 𑒏𑒰𑒖 𑒧𑒱𑒟𑒱𑒪𑒰𑒏𑓂𑒭𑒩 𑒪𑒱𑒣𑒱 𑒧𑒹 𑒏𑒩𑒻𑒞 𑒕𑒟𑒱 𑒋𑒞𑒋 𑒏𑒱 𑒪𑒪𑒱𑒞 𑒖𑒲 𑒮𑒩𑒏𑒰𑒩𑒲 𑒂𑒫𑒹𑒠𑒢 𑒮𑒹𑒯𑒼 𑒧𑒱𑒟𑒱𑒪𑒰𑒏𑓂𑒭𑒩 𑒪𑒱𑒣𑒱𑒧𑒹 𑒏𑒩𑒻𑒞 𑒕𑒟𑒱, 𑒧𑒱𑒟𑒱𑒪𑒰𑒏𑓂𑒭𑒩 𑒮𑒰𑒏𑓂𑒭𑒩𑒞𑒰 𑒁𑒦𑒱𑒨𑓃𑒰𑒢 𑒠𑓂𑒫𑒰𑒩𑒰 𑒮𑒹𑒯𑒼 𑒏𑒱𑒕𑒳 𑒂𑒫𑒹𑒠𑒢 𑒣𑓂𑒩𑒡𑒰𑒢𑒧𑓀𑒞𑓂𑒩𑒲 𑒏𑒰𑒩𑓂𑒨𑒰𑒪𑒨𑓃 𑒧𑒹 𑒧𑒱𑒟𑒱𑒪𑒰𑒏𑓂𑒭𑒩 𑒪𑒱𑒣𑒱𑒧𑒹 𑒪𑒱𑒐𑒱 𑒣𑒚𑒰𑒍𑒪 𑒑𑒹𑒪 𑒕𑒪,𑒍𑒏𑒩 𑒣𑓂𑒩𑒦𑒰𑒫 𑒏𑒱𑒕𑒳 𑒢𑒹 𑒏𑒱𑒕𑒳 𑒞𑒿 𑒦𑒹𑒪𑒹 𑒯𑒹𑒞𑒻𑒏, 𑒁𑒑𑒩 𑒮𑒦 𑒧𑒱𑒟𑒱𑒪𑒰𑒏𑓂𑒭𑒩 𑒖𑒢𑒢𑒱𑒯𑒰𑒩 𑒧𑒱𑒟𑒱𑒪𑒰𑒧𑒹 𑒁𑒣𑒢 – 𑒁𑒣𑒢 𑒏𑒰 𑒮𑒩𑒏𑒰𑒩𑒲 𑒏𑒱𑓀𑒫𑒰 𑒠𑒻𑒢𑒱𑒏 𑒏𑒰𑒖 𑒧𑒱𑒟𑒱𑒪𑒰𑒏𑓂𑒭𑒩 𑒪𑒱𑒣𑒱𑒧𑒹 𑒏𑒩𑒟𑒱 𑒞𑒿 𑒢𑒱𑓁𑒮𑓀𑒠𑒹𑒯! 𑒣𑒩𑒱𑒝𑒰𑒧 𑒁𑒢𑒳𑒏𑒴𑒪 𑒦ऽ 𑒮𑒏𑒻𑒞 𑒕𑒻।
𑒧𑒱𑒟𑒱𑒪𑒰𑒏𑓂𑒭𑒩 𑒪𑒱𑒣𑒱𑒏 𑒫𑒱𑒬𑒹𑒭𑒞𑒰
ऽ𑒧𑒱𑒟𑒱𑒪𑒰𑒏𑓂𑒭𑒩ऽ 𑒏𑒱𑓀𑒫𑒰 ऽ𑒞𑒱𑒩𑒯𑒳𑒞𑒰ऽ 𑒖𑒰𑒯𑒱 𑒬𑒻𑒪𑒲 𑒫𑒰 𑒏𑒰𑒙 𑒁𑒟𑒫𑒰 𑒂𑒏𑒰𑒩𑒧𑒹 𑒪𑒱𑒐𑒪 𑒖𑒰𑒋 𑒪𑒰𑒑𑒪 𑒞𑒏𑒩 𑒏𑒰𑒩𑒝 𑒢𑒱𑒬𑓂𑒔𑒨𑓃𑒣𑒴𑒩𑓂𑒫𑒏 𑒏𑒯𑒥 𑒏𑒚𑒱𑒢 𑒁𑒕𑒱।𑒋𑒯𑒱 𑒧𑒡𑓂𑒨 𑒁𑒢𑒹𑒏𑒼 𑒋𑒯𑒢 𑒫𑒱𑒪𑒏𑓂𑒭𑒝𑒞𑒰 𑒁𑒕𑒱 𑒖𑒹 𑒋𑒏𑒩𑒰 𑒥𑒓𑒪𑒰 𑒂ऽ 𑒁𑒮𑒧𑒱𑒂 𑒪𑒱𑒣𑒱𑒮𑒿 𑒤𑒩𑒰𑒏 𑒏𑒩𑒻𑒞 𑒁𑒕𑒱। 𑒥𑒓𑒪𑒰 𑒂ऽ 𑒅𑒛𑓃𑒱𑒨𑓃𑒰 𑒪𑒱𑒣𑒱 𑒁𑒣𑒢 𑒣𑓂𑒩𑒰𑒔𑒲𑒢 𑒂𑒏𑒵𑒞𑒱𑒏𑒹𑒿 𑒣𑒩𑓂𑒨𑒰𑒣𑓂𑒞 𑒣𑒩𑒱𑒫𑒩𑓂𑒞𑒢 𑒏ऽ 𑒔𑒳𑒏𑒪 𑒁𑒕𑒱, 𑒖𑒹 𑒋𑒏𑒩 𑒣𑓂𑒩𑒰𑒔𑒲𑒢 𑒂ऽ 𑒢𑒫𑒲𑒢 ऽ𑒩ऽ𑒏ऽ𑒏 𑒞𑒳𑒪𑒢𑒰𑒮𑒿 𑒦ऽ 𑒮𑒏𑒻𑒞 𑒕𑒻, 𑒧𑒳𑒠𑒰 𑒞𑒱𑒩𑒯𑒳𑒞𑒰 𑒋𑒐𑒢𑒯𑒳𑒿 𑒁𑒣𑒢 𑒧𑒴𑒪 𑒩𑒴𑒣 𑒡𑒰𑒩𑒝 𑒏𑒋𑒢𑒹 𑒁𑒕𑒱।